Асноўныя патрабаванні
1. Правільнае
разуменне тэмы і ідэі прапанаванага твора.
2. Кампазіцыйная
цэласнасць і завершанасць водгуку.
3. Інтэрпрэтацыя
(тлумачэнне, раскрыццё сэнсу) асобных слоў, вобразаў, сімвалаў, тэмы, ідэі прапанаванага
тэксту.
4. Сцісласць,
канкрэтнасць і дакладнасць думак.
5.
Уласнае стаўленне выяўленай тэмы і сістэмы моўных сродкаў, гэтай таямніцы, за
якой стаіць асоба пісьменніка і пры дапамозе якой перадаюцца аўтарскія пошукі,
разважанні, перажыванні.
6. Акуратнасць
афармлення.
ПАЗБЯГАЙЦЕ:
Беспадстаўна вялікага аб’ёму (ад 7 да 12 старонак) водгукаў за кошт лішняй інфармацыі, не звязанай са зместам твора, загадзя падрыхтаваных ўступаў і заключэнняў, паўтораў раней сказанага.
Празмернай мастацкасці, “квяцістасці” стылю, дыялогаў з дзённікам,
рэдакцыяй газеты, бабуляй, сяброўкай і іншымі. Сучасны водгук – гэта не столькі
мастацкі празаічны, паэтычны ці драматургічны твор на зададзеную тэму, колькі індывідуальнае асэнсавананне таго, што і як сказаў аўтар, як вы гэта ўбачылі, зразумелі і здольныя інтэрпрэтаваць.
Недакладнасцей, двухсэнсоўнасці, нелагічнасці, арфаграфічных, пунктуацыйных, моўных, стылёвых памылак.
Празмерна дакладнага пераказу зместу твора з выкарыстаннем аўтарскіх метафар і эпітэтаў. Ваша задача не пераказаць тэкст, а расказаць пра яго, пра аўтара,
пра падзеі, што згадваюцца, пра пачуцці, якія выкліканы зместам твора, прапанаванага для водгуку, адным словам, раскрыць сэнс гэтых метафар.
Памятка па напісанні водгуку
Мэта: падзяліцца ўражаннямі ад прачытанага, пераканаць у
сваіх ацэнках, зацікавіць творам.
1 Уступ. (Пры якіх
умовах вы пазнаёміліся з творам.)
2 Тэма і асноўная
думка. (Можа быць праблема)
3 Дзе і калі адбываюцца
падзеі, апісаныя ў творы?
4 Якія эпізоды твора
зрабілі на вас найбольшае ўражанне? Чаму?
5 Хто з герояў асабліва
спадабаўся? Чаму?
6 Мова твора. Што
асабліва запомнілася, здалося незвычайным?
7 Над чым вас прымусіў
задумацца прачытаны твор, чым узбагаціў?
Комментариев нет:
Отправить комментарий